Yun hi guzar gayi, raat din karke
haasil-e-zindagi, kuch bhi nahi!

Yeh mere farz hain, yeh mere haqooq hain
mujhme mera, ab baaki kya, kuch bhi nahi!

Subah aati hai, shaam jati hai
is kashmakash me jeene ka maza, kuch bhi nahi!

Na mai uska hu, ma woh mera hai,
mohabbat ki kahaniyo me bacha, kuch bhi hai!

Woh narm gulab ki pankhudiyo se lab tere
kabhi lete the mera naam, ab kuch bhi nahi!

Kitne hisson mein bat gayi hai zindagi
mere hisse ka mujhme bacha, kuch bhi nahi!

Chand lamhe toh marzi ke dede maula!
apni chaahat kab ab tak jiya, kuch bhi nahi!

Yun hi guzar gayi, raat din karke

haasil-e-zindagi, kuch bhi nahi!

Love to all :),
– Pooja